Programazioa Bizkaia

Noa amarekin bizi den neskatoa da eta ez du norekin jolastu. Bere kutxan gordetzen ditu entretenitzen ez duten jostailuak. Dena zaharra eta aspergarria dirudi bere mundu bakartian. Baina egun batean, konturatu gabe, sorginkeria bat aktibatzen du eta kutxaren mundu magikoan sartzen da, non jostailuek bizia hartzen duten eta izaki misteriotsu batek haien gainean gobernatzen duen. Fantasiazko istorio honek bestelako mundu posibleak eta akordioetara iristeko moduak erakusten dizkigu, gurea ez den eta desberdina denarekin espazioak partekatuz, mundu posible, justuago eta parekideago baten ideia erakusteko.

43º13’44’’N pieza autorearen memoria familiar eta kolektiboaren bilaketa prozesuaren emaitza da. Beste leku baterako bidean aurkitutako istorioa da, non irudimenaren mekanismoek memoriak utzitako hutsuneak betetzea lortzen duten. Egiteko astirik eman ez zigun argazkiak dira, hartzeko astirik eman ez zigun itsasontziak edo gorputzetik atera ezin izan genituen balak dira. Bitakora koadernoa. Performance eta dokumentu-antzerkia. Biografia politikoa.

Egun gogorra suertatu da Malda eta Zorrotzek lan egiten duten biltegian. Aurkitu beharreko erlikia galdu bat, konpontzeko dagoen musika-tresna eta hori gutxi ez balitz istripu baten ondorioz objetu guztiek bizia hartu dute ustekabeak sortaraziz... eta bakoitzaren mamuak esnatuz. Txontxongiloak, zuzeneko musika eta antzerkia batzen duen ausartentzako abentura.

Amonarekin bizi den gazte batek ordainketa faltagatik argia mozten dietela ikusten du. Horrek abentura zoragarri bat sorrarazten du, gazteak argia berreskuratzeko borrokatuko du. Ispilura begiratzeko gonbidapen honetan, elektrizitate teknikaria amona bahitzen duen pertsonaia zitala da eta gaztea munduaren argia salbatu nahi duen superheroia. Komiki estetika, objektu eta maskarekin, “Superheroia” abentura bat da zentzu guztietan.

Inauteri gauean munstroek eta gizakiek kaleak hartzen dituzte festa giroan. Hain pozik dabil Bidutzi anabasan, “Ez sartu” seinalea ikusten duenean ezin du saihestu eta kaiolan sartuko da. Harrapatuta geratuko da beldurrak jota. Eskerrak Godofredok dena ikusi duen. Lortuko ote du Bidutzi txikiak berak bakarrik inor izutzea? Gau zoro honetan eurekin batera eramango dituzte ikusleak ikaratik algarara.

Elarak goizegi ezagutuko du galera hitzaren esanahia. Bere gertuko bat izarren hauts bihurtuko da. Galaxiak eta planetak zeharkatuz, bidaia espazial bezain espeziala egingo du bizitzaren zentzua ulertu nahian. Horretarako doluaren faseak (eta desfaseak) zeharkatu behar baditu ere.

Kay txikitatik da etorkizunaren beldur. Txip, diodo eta algoritmoz beteriko etorkizuna. Baina etorkizuna ez dago makinen eskuetan, makinen eraikitzaileen bihotzetan baizik. Beraz, bere zortzigarren urtebetetzean robot eraikitzailea bihurtzea erabaki zuen. Baina bere izaki mekanikoak matxinatu egiten dira, eta iraultza robotiko bat sortzen da, gizateria akabatuko duena.Imajinatu dezakezu? Amaiera zoriontsua izango da? Nork daki. Hiperteknologiaren tiraniari buruzko txotxongilo komedia dibertigarri eta ameslaria.

Bi esku eta josteko saski baten unibertsoa Eskuz egindako gauzek beren izaera dute, eskuak izaki baten parte gisa, protagonista gisa, mugimendua, emozioa eta bizitza sortzen duten izaki berezi gisa. Saski bat noraezean, bidaia bat... Edozein txokotatik, edozein saskitatik bizi-kimuak azaleratzen dira; bizitza baliotsuak, partikularrak eta bakarrak.

Indio txikien herrian zoriona eta poza dira nagusi. Baina, bat-batean, Jon Braun txikia eta bere arreba Malintxe banatuko dituzte. Urrunean, Malintxe ausartak ez ditu bere neba eta herrixka ahaztuko. Jon Braunek ebre arrebaren bila abiatzea erabakiko du. Zoritxarren aurrean maitasunak ematen digun ausardiari buruzko istorio zirraragarria.

Pailazo bat eta maleta asko. Ustekabeko bidaia batek, itxarotea aspergarria izateari utziko dion leku batera eramango gaitu, jolas eta irudimenezko une bihurtzeko, mugarik gabe. NiMuk egoera absurdoak sortzen ditu, inprobisatuak, giro poetikoan bilduta, biolontxelo jotzaile baten laguntzari esker.