Programazioa eta material didaktikoa  

Helburua da hiriko ikastetxeei laguntzea ikasleen alfabetatze kulturalean. Parte hartzen duten ikusleei programazio eszeniko iradokitzaile, konprometitu eta anitza eskaintzeko lan egiten dugu, beren prestakuntza kulturalari laguntzeko. Eta hori egiten dugu konpromiso sendoa dugulako eskubide kulturalak Bilboko haurrei itzultzeko. Proiektu honek haurrei Kultura eta Euskararen topaketan laguntzen die.

ESNA

Marie de Jongh eta Doos Colectivo
Lehen Hezkuntzako 3. ziklorako ikuskizuna
Azkuna Zentroan – Azaroak 21 (9:45-11:30)
Iraupena 40’
Norbaitek beste bat dela irudikatzen du, bere larruan jartzeko ariketa egiten du, gero bizitako esperientziak aberastuta itzultzeko. Jolasaren bidez animalia, lorea, jostailua, ura edo haizea bera irudikatzen du. Ikuskizun honek balioan jartzen du pertsonek beren gorputzekin edo irudimenarekin esperimentatzeko. ESNA antzerkia eta dantza da.

BALTASAR JAUNAREN ANIMALIAK

Teloncillo Teatro
Haur Hezkuntzarako ikuskizuna
Azkuna Zentroan – Azaroak 22 (9:45 -11:30)
Iraupena 50’
Komunikazioaz eta harremanak egiteko moduez arituko gara, baita, hizkuntza komunik eduki gabe, besteon bihotzera hel gaitezkeenaz ere. Geure buruari eta ingurukoei begiratuz, bakoitzaren nortasunaz -nor garen eta nolakoak garen- hausnarraraziko digu ikuskizun honek. Estetika ausart, harrigarri eta dibertigarria duen ikuskizuna da, non umeek ezustekoen magiaz gozatzeko aukera izango duten.

104. HAURRA

Yarleku Teatro
Lehen Hezkuntzako 1. eta 2. ziklorako ikuskizuna
Azkuna Zentroan – Azaroak 23 (9:45-11:30)
Iraupena 50’
Haurren esplotazioa, nortasuna, elkarrekiko laguntzaren garrantzia eta egoera zailei aurre egiteko sormenak duen balioa jorratzen dira ikuskizun honetan. Adiskidetasunak eta amets partekatuek mundu berri bat sortzeko ematen duten indarra islatzen du istorioak.

FORMAK

Zig Zag DAnza
Lehen Hezkuntzako 1. Ziklorako ikuskizuna
Otxarkoagako Udaltegian – Abenduak 1 (9:45 – 11:30)
Iraupena 45’
FormaK lan harrigarria da, non mugimenduak, objektuen manipulazioak eta efektu bisualek eskua ematen duten ezohiko ikuskizun bat sortzeko. Ikusleak haien aurrean aurkezten eta eraldatzen diren irudien bidez garraiatzen dira, eta etengabe aldatzen den unibertso iradokitzaile batean sartzen dira.

ZEIN DA NIRE IZENA...?

Da.Te Danza
Haur Hezkuntzarako ikuskizuna
Otxarkoagako Udaltegian – Abenduak 5 (9:45-11:30)
Iraupena 45’
Haur bakoitzaren nortasuna bidean zehar helduko da, eta haren izena abiapuntua baino ez da izango. Edozer gauza edo pertsona izatera jolasten gara, dibertigarria da… Istorio honetan dena jolas bat da, zure izenaren bilaketa oso entretenigarria izango da, begiratzen jolastu, jolasten begiratu.