Programazioa eta material didaktikoa  

Helburua da hiriko ikastetxeei laguntzea ikasleen alfabetatze kulturalean. Parte hartzen duten ikusleei programazio eszeniko iradokitzaile, konprometitu eta anitza eskaintzeko lan egiten dugu, beren prestakuntza kulturalari laguntzeko. Eta hori egiten dugu konpromiso sendoa dugulako eskubide kulturalak Bilboko haurrei itzultzeko. Proiektu honek haurrei Kultura eta Euskararen topaketan laguntzen die.

NIRE BELDURRIK MAITEENAK

Producciones Maestras
Lehen Hezkuntzako 1. ziklorako ikuskizuna
Azkuna Zentroan – Azaroak 8 (9:30-11:30)
Iraupena 60’
Hainbat beldur dibertigarri ikusiko ditugu desfilatzen gure aurrean ikuspegi ezberdin batetik, beldurra existitzen dela eta berarekin bizi behar dela ulertzeko. Musika eta ikus-entzunezkoa lagungarri izango dira beharrezkoak diren atmosferak sortzeko, geure beldurrak ezagutu, haiei aurre egin, elkarrekin bizi eta geure beldurren golkorako barre egin ahal izateko.

ZUHAITZAK LANDATZEN ZITUEN GIZONA

Gorakada
Lehen Hezkuntzako 2. ziklorako ikuskizuna
Azkuna Zentroan – Azaroak 10 (9:30 -11:30)
Iraupena 55’
Zuzeneko musika duen ikuskizun hau naturari egindako kantua da, jendeak naturarekin duen harmonia, herrien arteko adiskidetasuna eta bakea, gizakiaren eta naturaren arteko harremanari buruzko parabola.

LAIKA

Xirriquiteula Teatre
Lehen Hezkuntzako 2. ziklorako ikuskizuna
Teatro Camposen – Azaroak 15 (9:45-11:30)
Iraupena 60’
Lehen txakurtxo astronautak ikuskizun bat inspiratu du, espaziora egindako bidaien historiako funtsezko atal bat, abusu baten kontakizuna, oso modu bisualean azaltzen duena.

ZAPATA BERRIAK

L’home Dibuixat
Haur Hezkuntzarako ikuskizuna
Otxarkoagako Udaltegian – Azaroak 22 (9:45 – 11:15)
Iraupena 35’
Ikuskizun honetan tokiko gertaera batetik abiatzen gara, unibertsalera iristeko. Bidaia iniziatiko labur bat, ikasteko, deskubritzeko eta naturarekin lotura sortzeko. Sinpletasunez eta poesiaren bitartez hitz egiten da, hazteaz eta horrek eragindako sentimenduez.

MARIO DINOSAUROA

Un Teatre
Haur Hezkuntzarako ikuskizuna
Otxarkoagako Udaltegian – Azaroak 23,24 (9:30-11:15-9:30)
Iraupena 50’
“Mario dinosauroa” ikusle txikientzako txotxongilo-ikuskizun bat da. Istorio samur, hunkigarri, argi eta poetiko bat. Abentura eszeniko bat, Martinaren eta Mario dinosauro lagun handiaren jolas eta abenturekin sortua.

AHATETXO ITSUSI BATEN EGUNEROKOA

Factory compagnia transadriática (Italia)
Lehen Hezkuntzako 3. ziklorako Ikuskizuna
Teatro Camposen – Martxoak 21 (9:45 – 11:30)
Iraupena 45’
“Ahatetxo itsusi baten egunerokoa” ikuskizunak antzerkia eta dantza bateratzen ditu, Andersenen haurrentzako klasiko batetik abiatuta; ipuinak dibertsitatearen, nortasunaren eta gizarteratzearen gaiari heltzen dio, hizkuntza erraz eta oroitarazle baten bidez.

KOTONDARRAK

Anita Maravillas Teatro y Portal 71
Lehen Hezkuntzako 1. ziklorako Ikuskizuna
Otxarkoagako Udaltegian – Martxoak 29 (9:30 – 11:30)
Iraupena 50’
Mende hasierako ehungintza industrian emakumeek izandako langile borroketan inspiratuta dagoen haur-ikuskizuna. Industria-iraultza betena, familia baten begiradaren bidez iruditegi bisual bat sortzen da, hirietarako exodoa, fabrikaren gogortasuna… baina emakume haien ereduaz ere hitz egiten du, elkarrekin arituz bizitza duinak lor zitzaketela ulertu baitzuten.

XOCOLAT

Teatro Paraíso Antzerkia
Haur Hezkuntzarako ikuskizuna
Azkuna Zentroan – apirilak 25 (9:30 – 11:15)
Iraupena 45’
Paraiso Antzerkiak sorpresa eszeniko gozo bat sortu du ikusle gaztetxoenentzat: “Xokolat”. Bizitzeko gozamenari, irudimenari eta ikus-minari eskainitako kanta hau “Small Size Performing Arts for Early Years” Europako proiektu barrenean dago.

LUNATIKUS ZIRKUS

Teatro Paraíso
Lehen Hezkuntzako 2. ziklorako ikuskizuna
Azkuna Zentroan – apirilak 27 (9:30 – 11:30)
Iraupena 60’
Hiru galtzaile, hasieran mesfidati, indarrak batuz gero dena errazagoa izan daitekeela ohartzen dira. Hortaz, karabana ahaztu bat zirku ibiltari bat sortzeko erabiliko dute, eta, tolesgabetasunezko beroaldi batean, zirkuko artistatan jolastuko dira; zirkuko saioak inprobisatzen hasiko dira, gogo biziz baina trebetasun handirik gabe.